uniun
Wikimedia CH è ina uniun da promoturs locala renconuschida da la Wikimedia Foundation cun la finamira da sustegnair projects tar ils quals i vegn elavurà cuntegns libers. La prioritad giascha tar projects da la Wikimedia Foundation, en spezial la
Wikipedia, ina enciclopedia libra che cuntegn en sia versiun rumantscha prest 2500 artitgels;
Wiktionary,in cudesch da pleds disponibel libramain per il stgazi da pleds da tut las linguas;
Wikibooks, ina biblioteca cun cudeschs da scolaziun ed autras materialias da furmaziun e scolaziun;
Wikinews, in portal da novitads liber, en il qual ins po leger novitads libras e neutralas;
Wikiquote, ina collecziun da zitads libers;
Wikisource, ina collecziun da funtaunas libras sco era
Commons, ina collecziun da maletgs, videos ed audios libers.
Finamiras
L’uniun è vegnida fundada l’onn 2006 cun la finamira, da sustegnair l’elavuraziun, rimnada e derasaziun da cuntegns libers ed uschia sustegnair l‘egualitad tar l’access a savida e scolaziun. L’uniun sa concentrescha sin Wikis. L’uniun less cuntanscher questas finamiras suandantamain:
- Tegnair en funcziun e finanziar sistems d’internet che pussibiliteschan da crear, rimnar e derasar cuntegns libers.
- Elavuraziun e promoziun da la derasaziun da cuntegns libers sin autras vias, sco per exempel en moda digitala u a moda stampada, cun accent sin ils cuntegns dals differents projects internaziunals da Wikimedia.
- Acquisiziun, preparaziun e derasaziun d’infurmaziuns sco era la lavur da publicitad tar ils temas cuntegns libers, Wikis e ils differents projects da Wikimedia. Quai duai per exempel capitar cun occurrenzas u cun material d’infurmaziun.
- Scleriment da dumondas scientificas, socialas, culturalas e giuridicas en connex cun cuntegns libers e Wikis per exempel entras expertisas, studis e cun surdar stipendis.
La Wikimedia Foundation ha acceptà l’onn 2007 Wikimedia CH sco uniun da promoturs locala. Wikimedia CH na represchenta betg la Wikimedia Foundation giuridicamain en la Svizra. Wikimedia CH ha ultra da quai nagin’influenza u responsabladad per ils cuntegns dals differents projects da Wikimedia che vegnan tgirads da la Wikimedia Foundation.
Istorgia
L’idea da fundar in’uniun da Wikimedia, analog a Wikimedia Deutschland ha Michael Bimmler e Nando Stöcklin gì. Per il barat d’interess e d’ideas è vegnì organisà il november 2005 ina s’entupada da wikipedianers. Parallel tar quella s’entupada èn ils statuts vegnids elavurads, respectiv vegnids translatads. Vinavant è era vegnì drizzà en ina maillinglist ed il Wiki. Londervi han anc las preparativas per l’emprim Di da Wikipedia 2006 cumenzà, che ha gì lieu ils 14 da matg 2006. L’entschatta da l’onn 2007 è vegnì proponì d’organisar ina s’entupada da wikipedianers. Damai che l’uniun n’aveva anc betg manà atras la radunanza generala han ins decidì da cumbinar la s’entupada cun la radunanza ils 24 da zercladur 2007. Dapi lura ha Wikimedia CH manà atras differents dis da Wikipedia.
