Vorstandssitzung 15. Dezember 2007
From Wikimedia CH
Il suandant text è in protocol da conclus. (remartga: quai è ina translaziun or dal tudestg!)
| Preschents: | Michael Bimmler, Christian Seidl, Robin Schwab, Rupert Thurner |
| Sa perstgisads: | Frédéric Schütz, Nando Stöcklin, Ilario Valdelli |
Ministeris, clers uffizis
- Ministeris tenor l’exempel da la Germania na vegnan betg giavischads. La flexibilitad interna da la suprastanza duai restar. I duai dentant vegnir crear in carnet da duairs cun ils pensums che sa repetan mintg’onn. Era las persunas responsablas per ils duairs duain vegnir definidas. En sboz exista gia.
- Auter che tar il sboz duai mo ina singula persuna responsabla figurar tar ils singuls puncts en il carnet da duairs. Sch’i basegna plirs responsabels, lura duai il punct vegnir dividids.
- Ils pertutgads èn oravant tut ils uffizis dal secretari e dal cassier. Michael è responsabels per l’elavuraziun dal carnet da duairs enfin ils 31 da schaner 2008.
Propostas per midadas da statuts
- Proposta 1 ord [1] vegn sbittà. Argumentaziun: la fundaziun Wikimedia ha midà logisticamain lieu, la sedia giuridica è dentant restada la medema. La midada è cunquai obsolet.
- La segunda proposta vegn medemamain sbittada. La midada è memia pitschna uschia ch’i na giustifitgescha betg ina midada dals Statuts.
- Nus vegnin tar la conclusiun che l’artitgel 10 alinea 4 n’è betg vegnì surpassà en il cas dal di da Wikipedia a Berna, perquai ch’il budget dals dis da Wikipedia n’han mai surpassà la summa nudada en il budget global ed ulteriuramain èn mo daners vegnids budgetai ch’eran gia empermess definitiv. Vinavant n’èsi betg negliger che eveniments cun atgnas entradas ed extradas muntan adina in risico. La suprastanza sto tegnair quai risico sut controlla. Nus na vesain dentant betg ina schliaziun cun quella simpla ordinaziun en ils statuts. Suenter pulita discussiun essan nus sa cunvegnids che l’uniun e betg ils organisaturs ston star bun per in eventual deficit d’in di da Wikipedia. Argumentaziun: sch’i dat in gudogn na pon ils organisaturs n’èra betg metter il surpli da daners da sponsoring en lur agen satg. La simmetria gudogn-sperdita sto dentant vegnir mantegnida.
Informatica 08
Nus essan d’accord, che nus vegnin a manar atras uschia ni uschia las activitads planisadas e da na betg spetgar sin in appel da informatica08. La direcziun da noss project duai Jürg Wolf surprender. El è gia s’engaschà cun bler elan per quest project. Patrick Kenel e Nando Stöcklin pon vegnir dumandads per ulteriur sustegn. Ulteriuras persunas tenor basegn.
Relaziun tar la Foundation
Actualmain na vesain nus nagin basegn d’agir, pertutgant la relaziun tar la Wikimedia Foundation. Nus spetgain ina giada giu, enfin ch’ils resultats dals Chapters Survey èn avant maun.
Assegn da 5000 francs svizzers sin il conto da la Foundation
Robin fa la proposta da pajar anc quest onn la summa da 5000 francs svizzers sin il conto da la Foundation. Ils daners dain betg esser liads ad in intent specific, per na betg liar la Foundation nunnecessari.
La proposta vegn acceptada unanimamain senza abstenziuns. Ils daners duain anc vegnir assegnads avant Nadal. La communicaziun duai succeder via quest protocol, la radunanza generala e cun in pitschen avis sin nossa pagina d’internet.
Planisaziun da l’onn
Cun agid dal sboz da Nando discutain nus las responsabladads per ils pensums urgents l’entschatta da l’auter onn.
Rupert declera, ch’el na vegnia pervi da motivs famigliars betg da dar dumogn da far tut las confermas da donaziuns en il schaner. Sin proposta da Robin decida la suprastanza, da surdar la cassa enfin la radunanza generala a Robin. Robin vegn proximamain a far las confermas da donaziun e trametter quellas. Dentant d’era gist far il quint annuala ed il budget. La decisiun croda cun 2 cunter 1 tar ina abstenziun.
La radunanza generala vegn fixada unanimamain sin ils 15 da mars 2008 a las 14.00 uras a Losanna. Ina stanza vegn anc tschertgada.
Protocols publics da las sesidas da suprastanza
La suprastanza ha incumbensà Michael d’elavurar enfin ils 15 da schaner 2008 ina nova versiun da l’artitgel 10 alinea 3 dals statuts. I na duai betg reger in duair d’infurmaziun, gist tar propostas internas da la suprastanza refusadas. Dad ina vart duai la suprastanza pudair discutar confidenzial e da l’autra vart na giavischan noss commembers betg da vegnir bumbardai cun plunas propostas refusadas.
Website
- Michael quinta, che la nova pagina d’internet duai esser online enfin la fin da l’onn. Manuel Schneider vegn supplitgà da far la “bardigliada” enfin ils 6 da schaner 2008.
- Il pensum da la gruppa da web è cunquai terminada. Il team vegn schlià si. La suprastanza grazia per la buna lavur dal team.
- Ils pledaders da pressa vegnan supplitgads da tgirar ils cuntegns da la pagina e da realisar novs.
- Ils ressorts cassier e secretari tgiran il cuntegn da lur parts da la pagina d’internet.
- Kelson, Oblique e Petar salvan lur status da sysop cun la supplica, da vinavant far translaziuns e da vinavant tgirar la structura ed il cuntegn.
- Patrick Kenel resta sco revisur sysop.
- Als ulteriurs commembers dal team da web vegnan il status da sysop puspè retratg. -> Sandro Pfister, Jürg Studer
Michael sa fatschenta cun il scolar, che ha quasi construì ina pagina da concurrenza a la pagina d’internet uffiziala da noss’uniun. Concret disturban ils suandants puncts.
- La pagina fa diever dal logo da Wikimedia CH.
- Il caracter d’in project da scolars n’è memia pauc cler.
- La structura da navigaziun cun puncts sco “davart nus” sveglia impressiuns fitg uffizialas.
- I dat sbagls en il cuntegn.
Michael dat peda al scolar enfin ils 6 da schaner 2008 per surlavurar la pagina u da prender la pagina or da la rait. Sche quai na capita betg vegnin nus a prender si contact cun la direcziun da la scola.
L’iniziativa Cape Town Open Education, Budapest Open Access
Nus sa cunvegnin, malgrà ils ludaivels motivs da la petiziun, da na betg pli suttascriver petiziuns internaziunalas. Motiv:
- I dat fitg bleras iniziativas, las bleras discussiun custan bler temp da lavur a la suprastanza
- I po dar spezialas situaziuns, sche la Foundation e intgins agens Chapters suttascrivan ina petiziun, auters restan dentant da la vart. È quai lura ina decleraziun?
- Wikimedia CH duai sa fatschentar cun petiziuns svizras u cun talas che han, sco era adina, in fundà connex cun la Svizra.
Arranschaments 2008
La discussiun davart arranschaments en l’onn 2008 vegn spustada.
Clausura
Nus decidain d’instradar ina clausura da la suprastanza. A la clausura duain concretas vias tar nossas finamiras vegnir elavuradas.
- Termin: en l’avrigl
- Durada: 1.5 enfin 2 dis
- Direcziun: moderatur extern
- Lieu: claustra da Fischingen
Christian sclerescha ils termins ed ils pretschs cun la claustra. Robin tschertga in moderatur.
